Khuddar Log

Khuddar  Log

Bohout sai khuddar Or ghair tamand log Faqah too gawara kartai hai. Laiken sadqa or khairaat lainai kai liyai kisi tarha unka Dil aamaadah nhi hota. wo chahatai hai. Kai kuch Qarz Raqam faraham ho. too wo jaddojaihaid karkai apnai haalaat ko bhi sudharai. Or Qarz ki Raqam bhi wapas kar dai...

Deen ka mansha yahi hai. Kai aisay ghaiwar Or khuddar logo ki himmat badhaaye jaaye. Or unko sahaara diya jaaye. Kai wo apnai pairow par khadai ho saktai. Islaami sosaity mai Qarz milnai ki sahulat honi chahiyai. Or khushhaal logo ko aisa mowqa faraham ho too wo usay apni khushnaseebi Or khuda kai inaam tasavvur krai...

Or aisay halaat kabhi paida na honai dai. Kai sosaity kai ghair tamand, khuddar Or izzat Walay tang dast logo ko majboor hokar dastai sawaal daraz karna padai. Zamni towr par naadaaro or tang dasto ko bhi ussai yai sabaq milta hai...

Kai wo apnai izzatai nafs Or khuddari ki hifazat krai. Sadqa lainai ki bajaye Qarz laikar apni jaddojaihaid sai apni Rozy kamanay or apnai haalaat ko sudharai ki koshish krai. Or jo hi haalaat thik ho Qarz ada karnai mai ijlat sai kaam lai...

Kuch khuddar log Or jismaani towr par bimaar log. Jinko kaam kaaj karnai ki Quvvat nhi hai. Phir bhi wo log halaal Rozy kamanay ki koshish mai lagai rahtai hai. Or badi mushkil sai apna pait paaltai hai. Or wo kisi kai aagai hath nhi phailaatai hai. Or kisi kai aagai hath pehlaanai ko sharm mehsoos kartai hai. too khushhaal logo ko chahiyai kai aisay logo ko dilasa daitai huai or acchi tarha samjhatai huai. taki unkai zameer ko bura na lagai. Or sadqa ya Qarz dainai mai yahi baat kahai kai. Yai too sab allaha ka maal hai. Or Allaha apnai bando sai kaam laita hai. Jissai chahai. taki wo sadqa ya Qarz lainai mai taal matowl na krai. Or sadqa ya qarz lai laiye...

Or hamai chahiyai kai aisay logo ko hi dhund dhund kar sadqa ya qarz ada krai. Or sadqa ya qarz khamoshi sai ada krai taki kisi ko maloom na ho. Or Qarz dainai Ya maangnai mai sila rehmi bartai. Or Qarz wasool karnai mai logo ko mohlat dai. Or allaha ki rehmat kai mustahaq banai. Yahi acchai musalmaan ki pehchaan hai...

Lain dain mai narmi Or frakhudli

Lain dain mai narmi Or frakhudli

Hazrat jabir raziallahutaala anho sai riwayat hai kai. Rasulalla Huzur hazrat Muhammad mustufa sallallahualayhiwasallam nai irshaad farmaya. Allaha ki rehmat ho us bandai par Jo baichnai, kharidnay or apna Haq wasool karnai or taqaza karnai mai narmi Or frakhudli sai paish aaye...

Is hadees mai nabi huzur hazrat Muhammad mustufa sallallahualayhiwasallam nai nihayat hi walulah anghaiz andaaz mai momin ko targheeb di hai. Kai wo kharid wa farowkht, lain dain or Haq ki wasoolyaabi Or taqaza waghairah karnai mai narmi, fayazi Or frakhudli sai kaam lai...

Kis momin ki tamanna na hogi kai. Khuda us par rahaim krai. Or kon nhi chahaingai kai. Rasul maqbool huzur sallallahualayhiwasallam ki yai duwa uskai haq mai bhi khudaaye taala Qabool farma kar us par Raihaim krai. Yaqeenan Rasul huzur sallallahualayhiwasallam ki yai duwa aap kai liyai hi hai. agar aap kharid wa farowkht or lain dain kai maamlai mai narm Or frakhudal hai...

Nabi huzur hazrat Muhammad mustufa sallallahualayhiwasallam nai bayan farmaya kai. tum sai pehli kisi ummat mai aik aadmi tha. Mowt ka farishta jab uski Ruh qaid karnai aaya too. Qabzai Ruh kai baad ussai puchaa gaya. Kya tumnai Duniya mai koi naik amal kiya tha. wo kahaiga. Meray ilm mai too koi bhi aisa amal nhi hai...

Ussai kaha jaayega. Apni zindigi par nigah dalo. Or socho. wo phir kahaiga. Meri nazar mai too koi bhi naik amal nhi hai. Siwaaye uskai kai. mai jab logo sai kharid wa farowkht ka maamla karta too mai unkai sath narmi Or Dar guzar sai paish aata, khushhaal logo ko mohlat daita, or tang dasto ko maaf Kar daita tha. too Allaha nai us shakhs ko jannat mai dakhil farma diya...

Or sahi Muslim ki aik riwayat mai hai. Kai Khuda taala nai farmaya. too mai tujh sai ziyadah. Haqdaaro Kai narmi Or darguzar sai kaam lo. Phir khuda nai farishto ko Hukum diya kai meray is banday sai darguzar Karo. (Yai Baksh diya gaya)....

Kis qadar khushnaseeb hai. wo bandah jo lain dain kai maamlai mai narm khu Or frakhudal hai. Or jisai khuda nai yai towfeeq di hai kai. wo logo ko adayegi mai mohlat daita hai. naadaaro sai darguzar karta hai. Or Logo ko maaf karkai Khuda ki rehmat ka mustahaq banta hai...

Haraam tariqay sai Rozy

Haraam tariqay sai Rozy

Aap Huzur hazrat Muhammad mustufa sallallahualayhiwasallam nai irshaad farmaya. Aik aadmi lamba safar karkai muqaddas muqaam par aata hai. Ghubaar sai ata huwa hai gird aalud hai. Wo apnai dono hath aasmaan ki taraf utha kar kehta hai. Aey meray parwardeegaar. (Or duwayai mangta hai). Jab kai uska khana Haraam hai. Uska peena Haraam hai. Uska libaas Haraam or Haraam hi sai uska jism pla hai. too aisay shakhs ki DUWA bhala kaisai Qabool ho sakti hai...

Aik baar aik shakhs nai Nabi Huzur hazrat Muhammad mustufa sallallahualayhiwasallam sai darkhwast ki. Kai Huzur sallallahualayhiwasallam meray liyai Duwa farma dijiyai kai. Khuda mujhay mustajaab aldawaat bana dai. Aap huzur sallallahualayhiwasallam nai irshaad farmaya  (tum Halaal kamaye khaya Karo. Khuda tumhai mustajaab aldawaat bana dai ga)...

Quraan paak sai maloom hota hai. Kai naik aamaal ki towfeeq usi ko hoti hai. Jo Halaal or tayyab Rozy khaye. Khuda ka irshaad hai. ((Aey Rasulo. Paakeezah Rozy khaow Or naik aamaal karo)). Aamaal naik hon ya bad unkai karnai ki Quvvat WA sakat khanai peenai sai hi paida hoti hai. Agar aadmi Haraam sai jism ko paal raha hai too phir ussai naik aamaal ki kya towaqqai. Naik aamaal too Wahi kar sakta hai. Jo paak or Halaal Rozy sai jism ko Quvvat or taqat faraaham kar raha hai...

Momin ki shaan yai hai kai. wo sirf wazah Haraam hi sai nhi bachta balkai. iss cheez sai bhi bachta hai. Jo mushtabah ho or jiski taraf sai dil mai shak or khatak ho. Huzur hazrat Muhammad mustufa sallallahualayhiwasallam ka irshaad hai. Apnai zameer sai puch liya Karo, jis cheez par tumhara zameer Mutmaeen ho wo jaaiz hai. Or jis cheez par Dil na thukay Or khatak mehsoos ho. Ussai bacho chahai log tumhai jawaaz ka fatwa dai dain...

Jab Dil mai Khuda ka khowf hota hai. too aadmi aisi cheezo sai bhi bachta hai. Jin mai zra shuba hota hai. Ha khuda ka khowf na too phir aadmi parwah nhi karta kai. Halaal hai ya Haraam. Aap huzur hazrat Muhammad mustufa sallallahualayhiwasallam ka irshaad hai. Koi bandah Haraam kamata hai. Phir usmai sai sadqa karta hai. too yai sadqa uski taraf sai Qabool na hoga....

Or agar yai maal wo apni zaat or gharwalo par kharch kraiga too khair wa barkat na hogi. Or jab usko chod kar mraiga. too yai jahannum kai liyai zaadairah banaiga. Allaha buraye ko buraye sai nhi mitata balkai. Buraye ko acchaaye sai mitata hai. Khabees khabees ko nhi mitata...

via Blogger https://ift.tt/2rp5njW
December 07, 2019 at 11:39PM
via Blogger https://ift.tt/2rqyAer
December 08, 2019 at 03:26AM

Yai amal karnai sai Pait ka dard door hota hai or hazma hota hai

Yai amal karnai  sai Pait ka dard door hota hai or hazma hota hai     

  

           

Abu nayeem nai                                                                                hazrat abu huraira raziallahutaala anho sai  riwayat ki hai. Kai mai pait kai dard ki wajah sai masjid mai laita huwa tha kai. Hazrat Muhammad mustufa sallalahualayhiwassalam tashreef layai or pucha kya tum bimar ho? Mainai kaha Ha ya Rasulalla sallalahualayhiwassalam. Farmaya uth kar khada ho or namaz padho. Kyunki namaz mai shifa hai. Or baaz riwayat mai hazrat aayesha raziallahutaala anho sai manqul hai. Kai Allaha kai zikr sai namaz sai khana hazm kiya kro. Or khana khatai hi na soo jaya kro. issai tumharai dil tang aaluda ho jayengai.

Qarz dainai ki targheeb

Qarz dainai ki targheeb 

Hazrat Abu umama raziallahutaala anho sai riwayat hai. Kai Rasulalla Huzur hazrat Muhammad mustufa sallallahualayhiwasallam nai farmaya. Aik aadmi jannat mai dakhil huwa too usnai daikhta kai. Jannat Kai Darwazai par likha huwa hai. (Sadqay ka ajar wa sawaab Das guna hai. Or Qarz dainai ka ajar wa sawaab attaharah guna)...

Is hadees mai khushhaal musalmano ko targheeb di gaye hai. Kai wo khushdili sai Qarz dainai ki aadat daalai. takai islaami sosaity mai sahulat kai sath zarurat mando ko Qarz mil sakay. Qarz dainai ka ajar wa sawaab sadqay sai ziyada hai. Is liyai kai sadqa lainai wala too us waqt bhi sadqa laita hai. Jab uskai paas kuch hota hai...

Magar Qarz maangnai wala usi waqt Qarz maangta hai. Jab uskai paas kuch nhi hota. Or zahir hai kai. Aisay zaruratmand ki zarurat puri karna ziyadah ajar wa sawaab ka kaam hai. dusri wajah yai hai kai. Sadqa dainai kai muqablai mai Qarz dainai mai maal ki muhabbat kai jazbaat dabanai Or nafs ko Rondnai ka ziyadah mowqa milta hai...

Sadqay kai maal kai baarai mai tasavvur yai hota hai. Kai yai too Naadaar ka Haq hai hi. na yai meri malkeeyat hai. Na mai ussai faydah utha sakta hoon. iskai bar aks Qarz mai diyai jaanai walay maal kai baarai mai yai tasavvur hota hai. Kai yai mera maal hai. mujhay ussai nfa hasil karnai ka Haq hai...

Qarz daikar wo apna maal dusrai ki malkeeyat mai daita hai. Or apnai nfa ko Qurbaan karkai dusray ko ussay nfa hasil karnai ka mowqa faraham karta hai. Isi liyai sadqa daina aadmi kai liyai aasaan hota hai. Or qarz daina nafs par ziyada giraa hota hai. talb karnai walay ko khushhaal aadmi sadqa ziyadah aasaani or frakhudli sai dai daita hai. Laiken qarz aasaani sai nhi daita hai. Qarz daina nafs par ziyadah shaaq hota hai...

Teesri wajah yai bhi hai. Kai islaam apni sosaity ko iqtasaadi towr par mustahkam banana chahata hai. Wo chahata hai kai khushhaal log Qarz talb karnai walo ko Qarz daikar owncha uthanai ki koshish krai. Or unkai halaat sudharnay mai unkai sath taaawun krai...

Halaal Rozi

Halaal Rozi

Hazrat Abu huraira raziallahutaala anho sai riwayat hai. Kai Rasulalla Huzur hazrat Muhammad mustufa sallallahualayhiwasallam nai irshaad farmaya. Logo par aik aisa zamaana aayega kai. Aadmi iss baat ki parwa Na kraiga. Kai usnai kya kaha sai kamaya, Halaal kamaya ya Haraam?...

Yani wo aisa aazadi Or baideeni ka dowr hoga kai. Halaal wa Haraam ki tameez na rahaigee. magar khuda sai darnai Walay musalmaan ko aisey dowr mai bhi Halaal ka ahtmaam karna hai. Khuwah yai kaam kitna hi dushwaar ho, yai yaqeen rakhna chahiyai. Kai jab tak zindigi hai. Rozy baihairhaal milaigee...

Sahulat sai milay ya dushwari sai, faraqi sai milay ya tangi sai, aik mowqai par nabi huzur hazrat Muhammad mustufa sallallahualayhiwasallam nai irshaad farmaya. "Logo Allaha ki nafarmani sai dartai raho. Or Rozy ki talash mai galat tariqay mat ikhtaiyaar Karo...

Is liyai kai koi shakhs is waqt tak nhi mar sakta. Jab tak wo apnai hissay ki Rozy puri na lailay. yai ho sakta hai kai.  uskai milnai mai kuch taakheer ho jaaye. too khuda sai dartai raho. Or Rozy hasil karnai mai accha tariqa ikhtaiyaar Karo. Halaal Rozy hasil Karo. Or Haraam Rozy kai qareeb na jaow"...

via Blogger https://ift.tt/2qu35j5
December 07, 2019 at 05:44AM

via Blogger https://ift.tt/33ZQYb6
December 07, 2019 at 07:01AM
via Blogger https://ift.tt/33ZerJJ
December 07, 2019 at 07:05AM

Tilawatai Quraan

Tilawatai  Quraan 

Hazrat Abdullah bin umar raziallahutaala anho sai riwayat hai. Kai Rasulalla Huzur hazrat Muhammad mustufa sallallahualayhiwasallam nai irshaad farmaya. yai quloob bhi Zang aalud ho jaatai hai. Jis tarha paani padnai sai loha zang aalud ho jaata hai. Pucha gaya yaa Rasulalla sallallahualayhiwasallam phir dilo ka zang dowur karnai or jila bakshnai ka kya tariqa hai?...

Irshaad farmaya. ((Kasrat sai mowt ki yaad or Quraan ki tilawat)). Burai khayalaat, gandai jazbaat, bughz wa anaad, keena Or gunah wa khata sai dil par aik tarha ka mail Or siyahi aa jaati hai. Usi ko Dil ka zang kaha gaya hai. iss zang or ghubaar ko dowur karnai kai liyai nabi huzur sallallahualayhiwasallam nai do cheezai bataye hai.  ((mowt ki kasrat sai yaad or tilawatai Quraan))...

Kasrat sai mowt ki yaad ka matlab yai hai. Ki aadmi shaowr kai sath har waqt yai baat apnai saamnai rakhai. Kai zindigi ki yai mohlat baihair haal aik din khatam hona hai. Yai mohlat aik hi baar milti hai. dobaarah phir amal karnai kai liyai kabhi mohlat na milaigee. is liyai is zindigi ka aik aik lamha aakhrat ki kamaye mai sarf hona chahiyai...

Tilawatai Quraan ka matlab yai hai. Kai aadmi Quraan ko paabandi sai barabar padhata rahai. Sahi sahi padhnai ka ahtmaam karai. Iski taaleemaat Or aayaat par ghor wa fikr krai. Yaksooi, ikhlaas or koshish kai sath uskai ahaikaam par amal krai. uskai padhnai padhanai ko riwaj dai. uski ishaat krai. Or khuda kai bando tak uska paighaam pohonchaye...

Nabi huzur hazrat Muhammad mustufa sallallahualayhiwasallam ka irshaad hai. Shab wa Roz Quraan ki tilawat ka haq ada karo. Uski ishaat Karo Or acchai andaaz mai uskai padhnai ka ahtmaam Karo. Or hidayat hasil karnai ki gharz sai usmai ghor wa fikr Karo. takai tum kamyaab ho. Or jald baazi karkai uskai zaryai Duniya ka Sila mat chahana. Khuda ki khushnoodi hi Kai liyai uski tilawat karna kai akhrat mai uska sila laazmi hai...

Hazrat Abu zar ghafaari raziallahutaala anho ki darkhwast par aap Huzur sallallahualayhiwasallam nai unko waseeyat kartai huai irshaad farmaya. Quraan ki tilawat or Allaha ka zikr paabandi sai kartai rehna. Uskai zaryai aasmaan walo mai tumhara zikr or charcha hoga. Or yai amal zindigi ki taareekiyon mai tumhai Roshni bakshaiga...